Vann fire av sju prisar

Studentbedriftene frå Høgskolen i Ålesund gjorde nærast reint bord under NM for studentbedrifter, og vann fire av sju prisar: Hendig SB vann prisen for beste studentbedrift, medan MariTheme AB tok andreprisen. Scientia SB vann både innovasjonsprisen, designprisen og prisen for beste forretningsplan.

- Vi er svært glade og svært overrraska, men dette viser at hardt arbeid løner seg, seier Kristin Haug Herje i Hendig Butikkhjelpemidler SB, som saman med sin kompanjong Andreas Heltne Sætre har utvikla og sett i gang produksjon av produktet Hylleryddaren.

- Forretningsideen er å tilby bedrifter i dagligvaremarknaden helpemiddel som effektiviserer og forenklar hylleryddinga, seier Herje, som viser til at produktet effektiviserer hylleryddinga med 25 – 50%. I eitt år har bachelor-studentane innan Innovasjonsleiing og entreprenørskap arbeidd med hylleryddaren, og no er den patentsøkt.

Hendig SB skal no delta under Europameisterskapen for studentbedrifter, som blir arrangert i Brüssel i slutten av juni.

Maritime produkt Studentbedriftene MariTheme SB og Scientia SB frå Høgskolen i Ålesund utviklar produkt og løysingar for den maritime marknaden, og det var desse løysingane som no vart premiert: MariTheme SB tok andreprisen i konkurransen om Beste Studentbedrift. Scientia SB vann både innovasjonsprisen, designprisen og prisen for beste forretningsplan.

Frå fylkesmesse til noregsmeisterskap Under NM har 20 studentbedrifter frå heile landet konkurrert under om prisar innafor tilsaman sju kategoriar. Dei tre bedriftene frå Møre og Romsdal vart tatt ut under Fylkesmessa for studentbedrifter 6. mars, og etter sigeren der gjorde dei fleire forbetringar på utstillingar og presentasjonar.
I år var første gong Ungt Entreprenørskap Møre og Romsdal arrangerte fylkesmesse for studentbedrifter, og alle dei 14 studentbedriftene i fylket deltok under konkurransane.

Les meir:

• NM for studentbedrifter
• Nettavisa E24
• www.hendig.com
• www.maritheme.com