Ungt entreprenørskap samla næringslivet i Molde

Måndag 8. september var 15 representantar frå næringslivet i Molde samla for å lære meir om Gründercamp.

- Gründercamp er trening i problemløysing ved hjelp av kreativitet og nytenking, seier rådgjevar Sissel Tegelsrud Kolstad som orienterte næringslivet i Molde om denne undervisningsmetoden for ungdomsskolen.

Formålet med Gründercamp er at elevane skal bli kjent med lokalt arbeids- og næringsliv for så å få eit betre grunnlag til å velje utdanningsveg. Bedriftene som er med på Gründercamp skal denne hausten levere reelle problem som oppdrag til ungdomsskuleelevane som er med. Elevane får fire dagar på seg til å løyse oppdraga og presentere løysinga for ein jury. Etter dette blir beste løysing og presentasjon kåra. Dei beste frå dei fire ungdomsskulane møtes til ein kommunefinale 15. oktober.

I Molde kommune skal det i haust arrangerast Gründercamp på Bergmo ungdomsskule, Bekkevoll ungdomsskule, Sekken oppvekstsenter og Skjervik barne- og ungdomsskule.

Dei 15 frå næringslivet i Molde fekk også prøve seg på ei kreativ oppgåve. Med kvart sitt Kinderegg skulle dei i grupper på fem lage ein forretningsidé, ein modell og eit slagord.

Fotograf: Hallvard Lavoll-Nylenna