Ungdom og miljø

Ungdommens fylkesting har diskutert miljø og miljøutfordringane vi står ovanfor. Her kan du lese miljøuttalen som vart vedteke.

Ungdommens fylkesting oppfordrar ungdom i Møre og Romsdal til å bli meir bevisst på miljø og klima. Ungdom bør stå til ansvar for sine eigne handlingar. Dette inneberer at vi må stille oss kritisk til vårt forbruk av til dømes klede, elektroniske artiklar, mat, strøm, varme og vann.

Ungdommens fylkesting vil også oppfordre alle ungdomspolitikarar til å gå fram som gode døme og jobbe for miljøvennelege alternativ i kvardagen. UFT ønskjer at satsinga på miljøfyrtårn i dei vidaregåande skolane skal forsette.

Ungdommens fylkesting oppfordrar politikarane til å senke prisane på miljøvennelege alternativ, dette inneberer frukt og grønt, ungdomskortet, fair trade produkt og mindre forurensende biler. Politikarar bør gå frem som gode dømer for andre.