TV-aksjonen 2009 til kvinner og jenter

18.oktober er aksjonsdagen for TV-aksjonen 2009. I år går inntektene til organisasjonen CARE.CARE prioriterer i årets aksjon kvinner og jenter, fordi dei blir hardare råka av fattigdom, naud og diskriminering.

CARE er ein av verdas største hjelpeorganisasjonar, og har prosjekt i 71 land. Gjennom spare- og lånegrupper kan kvinner få moglegheit til å klare seg sjølve gjennom mikrofinans. Dette er med på å skape ein tryggare økonomisk plattform for kvinnene og familiane deira, og å styrke eit sterkt fellesskap. Dette skal også vere med på å auke demokratiseringa gjennom at kvinner involverer seg i samfunn og politikk.

Inntektene frå årets aksjon vil gå til opplæring og etablering av spare- og lånegrupper og andre prosjekt på Balkan, i Bangladesh, Burundi, Burma, Mali, Nioger, Rwanda, Sri Lanka, Tanzania og Uganda. Les meir på: www.tvaksjonen.no .

Gjer du eller klassen din noko i samband med TV-aksjonen(skriv, syng, lagar film el.l.) så send det inn til www.ungweb.no og få det publisert.

Hugs å melde deg som bøsseberar!