Oppstartseminar 2008

Helga 18. til 20 januar 2008, hadde 11 håpfulle ungdommar frå UP Møre og Romsdal og UFU Sør-Trøndelag samla seg for eit felles oppstartseminar. Dei budde på koselege hytter oppe på Skaret, og kunne ta erfaring frå for eksempel teambuilding, personlighetsanalyse og kurs i media-handtering.

Av dei 11 oppmøtte, var det sju frå UP (Ungdomspanelet) og fire frå UFU (Ungdommens FylkesUtvalg) tatt vegen for å vere med på seminaret. Sjølv om det var håp om 18 deltakarar, var det ingen grunn til stemningsdemp, og alle såg ut til å kose seg.

I tilegg til mange møter og diskusjonar både internt og i mellom organa, vart det halde kurs i "Kvifor og korleis ta plass i media", leda av Oddbjørg Aa. Bjørdal frå fylkeshuset. Deltakarane fikk grunding innføring i kva som må til for å føre ein sak til media, før alle fekk prøve seg som intervjuobjekt i eit improvisert tv-intervju. Dette takla samtlige overraskande kaldt, og svarte lett på spørsmåla frå reportar.

Utanom media-kurset, var også MoldEvent til stades og hadde innføring i teambuilding. Her måtte deltakarane løyse utfordrande oppgåver gjennom samarbeid og kommunikasjon. Dei skulle blandt anna krype gjennom edderkoppnett, bygge sjølvberande konstruksjonar på "1000" meter høgde, og føre andre gjennom farlege minefelt i blinde. I tilegg fekk alle gjennomføre ein personlighetsanalyse som skulle kartlegge kva slags rolle ein har i forhold til teamwork.

Som eit resulat av god mat, tvilsomme bilete, koselegt vertspersonale, og lite vatn i dusjen var det ikkje tvil om at samtlige 11 kunne reise heim med meir kjennskap til både seg sjøl og dei andre.