Ny nettlesar peikar framover

I natt slapp endeleg Google sin nettlesar Chrome. Chrome går direkte i konkurranse med Explorer og Firefox, samtidig som den peikar framover.

Google seier at Chrome er bygd for å betre kunne handtere dei mange nye og kraftige applikasjonane (webprogram) som stadig dukkar opp på veven. Gode dømer på sånne applikasjonar er Gmail, Google Docs, Zoho, ThinkFree office.

Dei neste åra vil vi i mindre grad bruke dataprogram som er lagra og drive av sjølve datamaskina, men gå over til program (applikasjonar) som er levert over nettet. Dette vil gjere operativsystem mykje mindre sentrale.

UNGweb er også utvikla med tanke på at nettet i større grad tilbyr applikasjonar. På Min side kan brukarane samle og organisere eigne småprogram. Vi kan blant anna tilby ein Google-widget som inneheld alle Google sin produkt.

I tillegg kan du ta med deg UNGweb der du er – som til dømes netvibes, igoogle, Windows Visa, Opera, Mac Dashboard.

• Hent UNGweb til din plattform her
• Her kan du laste ned Google Chrome

Kva er Google Docs?

Google Docs er samlenamnet på Google sin programvarepakke som inneheld

• Teksprogram som Word
• Rekneark
• Presentasjonsprogram

Det beste med dette er at det er gratis, du lagrar filene på nett og det er alltid tilgjengelig – sjølv når du ikkje er på nett (les meir om Google Gears).

Kanskje det vart litt mykje Google i denne artikkelen, men når ein webgigant som Google hoppar bør ein følge godt med for det vil høgst sansynleg påverke veven.