Foppal, ulykker og politikk - kva meiner du medium burde fokusere på?

For det er nemleg slik at dei emna som får mest oppmerksemd i medium er fotball, ulykker og ukas politiske bommertar. Sjølvsagt er det og lett å forsvare med at ”det er dette folket vil lese om”, men er folket verkeleg så dumme at vi ikkje vil høyre om anna?

Vel, det ser ut som om media undervurderar oss som mottakarar, eller gjer dei det? For mange er ikkje avisa anna enn underhaldning, på lik linje med vekeblada. Tv-nyheitene bringer oss action-fylte reportasjar kor berre delar av ”sannheta” kjem fram, medan radioen skal kapre lyttarar ved hjelp av presist, lokkande og spanande språk. I tilegg har ein internettet som oppdaterer seg fleire gangar dagleg. Likevel sitt vi som mottakarar ikkje igjen med anna enn sensasjonar, om dei er positive eller negative. Dessutan er det litt ironisk at ein fotballkamp frå 4.divisjon får meir oppmerksemd i lokalavisa enn problema rundt skuleskyss…

Er det riktig at media berre skal informere gjennom underholdning? Er media i dag for lite seriøse? Og er det riktig av media å berre fokuserer på sensasjonar?

Ta debatten nedanfor!