Dobbelt så mange mulegheiter

Over 3200 elevar og 250 lærarar frå heile fylket deltek på opplevingsdagar som viser spennande utdanningar og yrke i heimfylket.

- Tema for årets karrieredagar er "Dobbelt så mange mulegheiter". Norge er mellom dei landa med mest kjønnsdelt arbeidsmarknad, og ungdom i vårt fylke vel tradisjonelle utdanningar i større grad enn før. Blir ungdommen merksam på fleire alternativ, får dei også fleire yrke å velje mellom, påpeikar prosjektleiar Anna Tokle Amundsen i UNG i Møre og Romsdal. Ei eiga referansegruppe med ungdommar har vore med og bestemt tema for årets karrieredagar, og dei har vore opptekne av at ungdom må bli merksame på heile breidden av yrkesval.

UNG i Møre og Romsdal
Det er UNG i Møre og Romsdal, i samarbeid med vidaregåande skular, fagskular, Høgskulane i fylket samt privat og offentleg arbeidsliv som inviterer ungdomsskulane i fylket til Karrieredagar 2008. Dette er andre året arrangementet blir gjennomført.

- Responsen på opplegget har vore overveldande, og entusiasmen er stor både frå ungdomsskolane og frå næringslivet, seier prosjektleiar Tokle Amundsen.
- Dette vert eit eineståande høve for ungdommen til å oppleve at Møre og Romsdal er eit fylke med svært mange mulegheiter, med langt fleire yrke og utdanningsretningar enn ein skulle tru, seier ho.

Studentar frå høgskolane skal vere guidar gjennom opplegget, saman med transport og logistikklinja ved Ålesund vidaregåande. Innhaldet vil variere frå gruppe til gruppe.
Karrieredagane blir arrangert i:

• Ålesund: 20., 21. og 22. oktober
• Molde: 23. og 24. oktober
• Kristiansund: 27. og 28. oktober

ÅLESUND:
Waagan Transport er ein destinasjon. Der viser transportbransjen seg fram, samt at elevane får møte Høgskolen i Molde og Høgskolen i Volda.
Andre destinasjon er Høgskolen/fagskolen i Ålesund. Der kan ein bli kjent med helsefag, maritime fag, kokkar fra Ørskog vgs, ingeniørar, Ålesund kommune, biologi, byggfag samt opplæringskontora.

MOLDE
Høgskolen i Molde er ein destinasjon. Der møter ein bl.a barnehagar, helsefag, logistikk, kokkar frå Rauma vidaregåande skole og 'Ungt Entreprenørskaps'-bedrift frå Romsdal vidaregåande skole.
Årøområdet er det andre destinasjon. Der møter ein bl.a Korn Reklamebyrå, EKH-Trykk, Linjebygg, Brunvoll, Sylte og Transportbransjen.

KRISTIANSUND
Vestbase er den eine destinasjon. Her møter ein helsefag, kokkar frå Kristiansund vidaregåande skole, Aak, Statoil/Hydro med grøn forsyning og Høgskolen i Molde.
Den andre destinasjonen er "Fiskeribasen", der ein møter Atlantis barnehage, Lerøy Hydrotech, transportbransjen samt Kristiansund vidaregåande skole. Dei skolane som kjem nordfra skal og innom Lerøy Hydrotech sitt mat- og settefiskanlegg på Halsa.
Dette vert ikkje ei ordinær messe; alle aktørar som skal vise fram si bedrift, næring eller studium, gjer det i form av å gi tenåringane ei oppleving.
Opplegget er gratis for elvane og for skolane.

For meir informasjon:
Anna Tokle Amundsen, prosjektleiar UNG i Møre og Romsdal, Tlf: 71 25 88 29 - Mob: 905 86 228