Averøy kommune kåra til årets ungdomskommune

Ungdommens fylkesting kåra i helga Averøy kommune til årets ungdomskommune i Møre og Romsdal.

Averøy ungdomsråd nominerte i haust kommunen til å bli årets ungdomskommune i fylket. Etter å ha lese gjennom nominasjonen og fått presentert kommunen under årets Ungdommens fylkesting var ikkje tinget i tvil og gav kommunen den ærefulle tittelen.
Averøy kommune har eit svært godt fungerande kommunalt ungdomsråd. Dei har blant anna vore med i arbeidet med kommuneplanen og levert viktige bidrag.

Averøy har blant mykje anna eigen helsestasjon for ungdom, sentralt plassert kunstgrasbane, hestesportsklubb og ny barneskule.
Kommunen og ungdomsrådet har dei siste åra hatt eit stort fokus på rusarbeidet.

Årets ungdomskommune får eit kunstverk som bevis på at dei er årets ungdomskommune. Utdelinga vil skje på nyåret og Ungdomspanelet tar sikte på å legge sitt fyrste møte neste år til Averøy.

Dan Åge Hoem og Karoline Nordskag