50% Ungdomsrabatt på Jugendfest

All ungdom i Møre og Romsdal mellom 15 – 20 år får kjøpe billett til Jugendfest til 195 kroner for den store konserten DumDum Boys, Bertine Zetlitz, The Margarets og Hilde Louise Asbjørnsen på St.Olavs plass i Ålesund 21.august. Tilbodet er knytt til ordninga ”Kulturkort for ungdom”.

Møre og Romsdal fylke ved Kulturavdelinga og Ung i Møre og Romsdal er stolte av å kunne tilby ungdom i fylket 50% rabatt som ei ekstrasatsing i prøveprosjektet ”Kulturkort for ungdom”. Å tilby ungdom spesiell god kulturkortrabatt på enkeltarrangement er nytt i sommar. Jugendfest er den andre storsatsinga frå Møre og Romsdal fylke i ordninga ”Kulturkort for ungdom” denne sommaren.

Ungdom som vil nytte seg av tilbodet kan bestille på vanleg måte over Billettservice, og må vise fram godkjent legitimasjon ved inngang.

Bertine Zetliz

Frå før har Møre og Romsdal fylke inngått avtale med MoldeJazz, der ungdom kan kjøpe 3-dagerspass på Romsdalsmuseet til 450 kroner og oppleve Mary J. Blige, Patti Smith, Ane Brun, Kent, The Margarets og Beady Belle. Møre og Romsdal fylke sponsar kvar billett med 500 kroner.

”Kulturkort for ungdom” gir vanlegvis 25 % rabatt på kulturopplevingar for ungdom i alderen 16-20 i Møre og Romsdal, og gjeld m.a. kinoar, kulturhus og ei lang rekke andre kulturformidlarar. Ordninga er eit samarbeid mellom Kultur- og kyrkjedepartementet og Møre og Romsdal fylke.
Ungdomspanelet i Møre og Romsdal har vore medspelarar i arbeidet med å få ordninga på plass.

Møre og Romsdal fylke har valt å organisere ordninga minst muleg byråkratisk. Det er ingen eigenandel, ingen søknadsprosedyrer eller fysiske kort. Det er berre å spørre i billettluka etter kulturkortpris og så vise legitimasjon. Med låg terskel trur vi fleire vil nytte seg av ordninga, seier rådgivar Hege Gagnat ved kulturavdelinga i Møre og Romsdal fylke. Med satsinga på ”Ungdomskortet” for kollektivtrafikk og på ”Kulturkort for ungdom”, er målet å auke trivselen for ungdom i fylket.

For meir informasjon:
Øivind Schanche – 71258854 – 91328054
Hege M. Gagnat – 71258887 - 90114024