Har du det i deg?

Det er spørsmålet lærarstudent Jo Fredrik Øiamo frå Høgskulen i Volda vil stille ungdom i dei vidaregåande skulane i Møre og Romsdal. Spørsmålet, og ein test på om ein har det som trengst for å bli lærar, er ein del av den nasjonale GNIST-kampanjen for å rekruttere fleire til læraryrket.

Jo Fredrik og ein representant frå lærarstanden vil vere å treffe på ein stand under yrkesorienteringane ved dei vidaregåande skulane i Møre og Romsdal.

Viktig jobb

- Å vere lærar er ein viktig jobb. Å finne dei rette lærarane for framtida er ei viktig oppgåve. Det handlar om å få søkjarar til lærarutdanningane, seier Jo Fredrik som vil trekke fram det breie og gode utdanningstilbodet for lærarar i Volda, den gode arbeidsmarknaden for lærarar og det eineståande studentmiljøet i den tradisjonsrike skulebygda.

Testen finn du her (www.hardudetideg.no)

Les meir på Høgskolen i Volda sine nettsider her: