Ungdomspanelet ønskjer engasjement rundt saka om Møreuniversitet

I forbindelse med vedtak i Ungdommens fylkesting 2009 har Ungdomspanelet (UP) jobba med saka "Møreuniversitet". Som eit resultat av arbeidet så langt har UP kome med ei uttale.

Uttalen frå UP kan du lese her:

MØREUNIVERSITET - uttale frå Ungdomspanelet

Ungdomspanelet (UP) i Møre og Romsdal har i møte den 07.12.09 og 22.01.10 behandla saka: ”Møreuniversitet”. Under Ungdommens fylkesting (UFT) i 2009 fremma representant, Krister Krogsæter frå Ålesund, dette som sak og den ble satt på sakslista. Følgjande ble vedteke i sak UFT 11-09, Møreuniversitet: ”Saka om Møreuniversitet oversendast til det nye Ungdomspanelet for vidare handsaming”.

Fylkestinget behandla i sak T-93/09 ein interpellasjon frå representanten Åge Austheim vedr. Møreuniversitet. Spørsmålet som gjekk til fylkesordføraren var ”Kva er statusen på dette prosjektet og korleis meinar han vi bør jobbe vidare for å bidra til realisering av Møreuniversitet i overskodeleg framtid?”

Svaret frå Fylkesordføraren var svært positivt, og UP delar hans syn. UP vil støtte tankane som både Åge Austheim gir i sin interpellasjon og det Fylkesordføraren gjev i sitt svar.

Eit universitet i Møre og Romsdal vil bety mykje for heile fylket. Vi er einig med Austheim i at et universitet her kan knytast opp mot den næringa vi har her, og sørgje for at dei som bor i Møre og Romsdal kan ta høgare utdanning i det same fylket som dei og skal kunne jobbe i. Det er også ein viktig faktor når det gjeld å auke tilflytting til fylket og hindre fråflytting.

I Nærings – og miljøutvalet den 02.02.2010 ble sak, NM-2/10 A -- Prosjekt MøreAlliansen 2010 - søknad om økonomisk støtte, behandla og følgjande ble vedteke:
Nærings- og miljøutvalet løyver Høgskolen i Molde, Høgskolen i Volda og Høgskolen i Ålesund til saman inntil kr 2 200 000,- til prosjekt MøreAlliansen 2010.
Om høgskolane ikkje skulle få dei nødvendige midlane frå Kunnskapsdepartementet for å få gjennomført prosjektet jamfør planen, vil nærings- og miljøutvalet garantere for ei løyving på til saman inntil kr 2 800 000,-.
Løyvinga vert gitt frå Tiltaksfondet.

UP meiner at dette er eit viktig vedtak og kjem til å følgje saka om Møreuniversitet nøye. UP ønskjer alt engasjement rundt denne saka velkomen.

Ida Andrine Heggset

leiar Ungdomspanelet

Vetle Wang Soleim

Nestleiar Ungdomspanelet